Havalandırma sistemləri

10 ildən artıqdır ki, yaşayış və qeyri-yaşayış binaları üçün havalandırma sistemlərini layihələndirir və quraşdırırıq. Düzgün qurulmuş havalandırma məhsuldarlığı artırır, insanların sağlamlığını qoruyur və məkana daim təmiz hava verir. Qapalı məkanda hava uzun müddət dəyişmədikdə yorğunluq yaranır və iş qabiliyyəti aşağı düşür.

Keyfiyyət və müasir təhlükəsizlik standartlarına cavab verən mühəndislik həlləri təklif edirik. Sistemin əsas elementləri ventilyatorlar, hava kanalları, elektrik mühərrikləri, hava qızdırıcıları, toztutucular və avtomatikadır.

Havalandırma növləri

Təbii havalandırma

Dam deflektoru və ya baca vasitəsilə təzyiq fərqi yaradılır. Elektrik enerjisi tələb etmir.

Vurma (təchizat) havalandırması

Təmiz hava məkana verilir, işlənmiş hava çölə sıxışdırılır.

Mexaniki havalandırma

Ventilyator və kanallarla işləyir, xarici hava şəraitindən asılı deyil.

Sorma havalandırma

Toz, qoxu və dəm qazını məkandan çıxarır. Adətən obyektin damında quraşdırılır.

Mərkəzləşdirilmiş havalandırma

Hər otağa ayrıca kanal çəkilir, hər otaqda fərqli rejim mümkündür.

Təhlükəsizlik və tüstüsovurma

Yanğın zamanı tüstünü və zəhərli qazları çıxarır, təxliyəni asanlaşdırır.

Ümumidəyişmə havalandırma

İşlənmiş havanın çıxarılmasını və təmiz havanın verilməsini mütəşəkkil şəkildə təşkil edir. Hava hər otaq üçün ayrıca xətlə dəyişdirilir, otaqların havası bir-birinə qarışmır. İstənilən təyinatlı məkan üçün ən optimal həlldir.

Mərkəzi kondisioner sistemi (AHU)

Mərkəzi kondisioner (AHU) havanı soyudur və isidir, eyni zamanda təmizləyir, qurudur və ya nəmləndirir və binanın havalandırmasını təmin edir. Soyuq mənbə çiller və ya freonlu kompressor-kondensator bloku, isti mənbə isə mərkəzi isitmə sistemi və ya boylerdir. Qurğu xidmət etdiyi otaqlara yaxın — damda, texniki mərtəbədə və ya zirzəmidə yerləşdirilir, hava otaqlara kanallarla paylanır. Sistem bir neçə bölmədən ibarətdir və hər bölmə öz funksiyasını yerinə yetirir.

• Lazımi temperaturda təzə havanın verilməsi və paylanması, rütubətin tənzimlənməsi
• Split və digər kondisionerlərin istismar müddətini uzadır
• Bütün bina üçün bir aqreqat: fasadda çoxlu xarici blok olmur

Mənzillər üçün havalandırma

Müasir tikinti texnologiyaları və plastik pəncərələr mənzilə təbii yolla təmiz hava daxil olmasına imkan vermir, çöldəki səs-küy və çirkli hava isə pəncərəni açıb havalandırmağı əlverişsiz edir. Kondisioner yalnız temperaturu tənzimləyir, havanı dəyişmir: havalandırma olmadan o, sadəcə “bürkülü sərinlik” yaradır, oksigen çatışmazlığı isə halsızlığa səbəb olur və sağlamlığa mənfi təsir göstərir. Ona görə mənzildə həm kondisionerin, həm də havalandırma sisteminin olması məqsədəuyğundur.

Mənzillər üçün ən əlverişli həll vurma havalandırma sistemidir. Sistem çöldən alınan havanı tozdan, pis qoxudan və zərərli qazlardan təmizləyir, lazım olduqda qızdırır və otaqlara verir. İşlənmiş hava isə yaranan təzyiq hesabına mətbəx və sanitar qovşaqlardakı sorma kanalları ilə çıxır.

Ofislər üçün havalandırma

Hər ofis işçisinə saatda təxminən 50 m³ təmiz hava lazımdır: işçilərin sağlamlığı, əhval-ruhiyyəsi və iş qabiliyyəti birbaşa havalandırmadan asılıdır. Ofislər çox vaxt icarədə olur və əksəriyyətində havalandırma sistemi olmur. Belə hallarda güclü mərkəzi sistem çəkmək əvəzinə asan sökülüb-quraşdırılan kompakt havalandırma qurğuları daha məqsədəuyğundur: ofis dəyişəndə sistemi qısa müddətdə yeni ünvana köçürmək mümkündür. Şəhər mərkəzindəki ofislər üçün havanı yalnız tozdan deyil, zərərli qazlardan da təmizləyən filtrasiya tövsiyə edirik.