Fan-coil sistemləri

Fan-coil qurğusunda isti və ya soyuq su borulardan keçir, ventilyator havanı istilik dəyişdiricisinin üzərindən üfürərək otağı isidir və ya soyudur. Otaq termostatı temperaturu ölçüb qurğunu idarə edir. Sabit iş və enerji qənaəti üçün girişlərdə 2 və ya 3 yollu motorlu klapanlar tövsiyə olunur.

Çox otaqlı binalar və kanal çəkmək çətin olan məkanlar üçün uyğundur. Pəncərə önündə, asma tavanda, tavan altında və ya döşəmədə quraşdırıla bilir.

Növlər

İki borulu

Bir istilik dəyişdiricisi, bir təchizat və bir qayıdış borusu. Eyni anda isitmə və soyutma olmur, rejim dəyişməsi tələb olunur.

Dörd borulu

İsitmə və soyutma üçün ayrı istilik dəyişdiriciləri, iki təchizat və iki qayıdış borusu. Hər zona müstəqil isidilir və ya soyudulur.

Üstünlüklər

• Hər zona üçün fərdi iqlim, termostatla otaq səviyyəsində nəzarət
• Uzun xidmət müddəti: avadanlıq bina daxilindədir, yağış, qar və istiyə məruz qalmır
• Səssiz iş: xəstəxana, otel və məktəblər üçün ideal
• 2 yollu tənzimləyici klapanlarla axın nəzarəti və nasos enerjisinə qənaət
• Kiçik boru səthi hesabına aşağı istilik itkisi, kanal sızması riski azdır
• Ayrıca sahə tələb etmir, quraşdırma və yuyulma asandır
• Tənzimlənən ventilyator sürəti

Fan-coilin hissələri

Fan-coillər divar, döşəmə, tavanaltı və kanal tipli olur. Korpussuz modellər daha sərfəlidir və asma tavanın arxasında və ya dekorativ qutuda gizli quraşdırma üçün nəzərdə tutulub.

İstilik dəyişdiricisi

Bir dəyişdiricili fan-coil iki borulu, iki dəyişdiricili isə dörd borulu adlanır. Dörd borulu qurğu eyni anda çillerə və isitmə sisteminə qoşulur və qışda radiator kimi isidir.

Ventilyator və mühərrik

Fırlanma sürəti dəyişdirilərək qurğunun gücü tənzimlənir. Otaqda istənilən temperatura çatanda ventilyator dayanır, amma su axını davam edir, ona görə istilik dəyişdiricisinin qarşısında suyu qurğudan yan keçirən üç yollu klapan quraşdırılır.

Kondensat altlığı

Soyutma zamanı yaranan kondensatı toplayır.

Hava filtri

Asanlıqla çıxarılıb yuyulur, havanı tozdan və xırda hissəciklərdən təmizləyir.

Elektrik qızdırıcı

Bəzi modellərdə əlavə isitmə üçün elektrik qızdırıcı elementi (TEN) olur.

İdarəetmə

Qurğunun üzərindəki panel, naqilli və ya infraqırmızı pult.